“Мың бір мақал”

27.09.2022

“Бөбек” орталығының   оқу-сауықтыру кешенінде “Мың бір мақал” атты зияткерлік сайыс өткізілді. Тәрбиеші балаларға қазақ ауыз әдебиетінің бір түрі — мақал-мәтелдер  туралы кеңінен айтып берді. Іс-шара ойын бағдарламасымен жалғасты, онда оқушылар “Сұңқар” және “Тұлпар” топтарына бөлініп, бес  бекет  бойынша интеллектуалды саяхат жасады. “Кім жүйрік” бекетінде балалар 1 минут ішінде мақал-мәтелдер туралы білімдерін көрсетті.  “Ұйқасын тап!” бекетінде мақал-мәтелдердің жалғасын табу керек болды.  “Мақал-сөздің мәйегі” бекетінде  оқушылар ұсынылған тақырыпқа мақал-мәтелдер құрастырды. “Тапқыр болсаң, шешіп көр” бекетінде жұмбақтарға арналды, ал “Білгенге маржан”  бекетінде  топтар сөзжұмбақтарды шешумен жарысты. “Намыс-дода” ойын бағдарламасының қорытынды бөлімінде топ басшылары  жарысты, бұл жеңімпаздарды анықтауда шешуші кезең болды. Іс-шара соңында балалар “Мың бір мақал” атты кітап көрмесімен танысып, жеңімпаздар тобын марапаттады.