«Өзін-өзі тану» рухани-адамгершілік білім беру бағдарламасы – білім беру ұйымдарындағы тәрбиелеу және оқыту жүйесінің негізі» тақырыбындағы Республикалық семинар туралы БАСПАСӨЗ ХАБАРЛАМАСЫ

«Бөбек» Ұлттық ғылыми-практикалық, білім беру және сауықтыру орталығы 2019 жылғы 21-22 қарашада «Өзін-өзі тану» рухани-адамгершілік білім беру бағдарламасы – білім беру ұйымдарындағы тәрбиелеу және оқыту жүйесінің негізі» тақырыбында Республикалық семинар өтетінін хабарлайды.

Семинардың мақсаты – балалар мен жастарға рухани-адамгершілік тәрбие беру саласындағы педагогикалық қызметкерлерге әдістемелік қолдау көрсету.

Семинар бағдарламасында пленарлық кеңес және секциялық жұмыстарды өткізу қарастырылған.

Семинарға қатысушылардың санаты: өңірлік білім басқармаларының әдіскерлері, балабақшалардың, жалпы білім беретін мектептер мен колледжердің, сондай-ақ «Өзін-өзі тану» рухани-адамгершілік білім беру бағдарламасын іске асыру жөніндегі негізгі және пилоттық білім ұйымдарының педагогтары мен басшылары.

Өтетін орны: Алматы қаласы, Дарын-1 ы/а, 47б үй. «Бөбек» ҰҒПББСО Адамның үйлесімді дамуы институты.