Біздің вебинарларға қосылыңыз

2020 жылдың 8 қыркүйегі мен 16 қазаны аралығында, «Өзін-өзі тану» Адами-рухани білім беру бағдарламасы бойынша, базалық және пилоттық білім беру мекемелердің педагогтарына әдістемелік қолдау көрсету мақсатында, ZOOM платформасы арқылы, «Бөбек» ҰҒПББСО-нда қазақ және орыс тілдерінде вебинарлар өткізіледі.

Вебинарларға қатысу үшін, білім беру басқармалардың өкілдері, тәрбие жұмысы бойынша, директор орынбасарлары, өзін-өзі тану пәнінің педагогтары, мұғалімдер, тәрбиешілер, пилоттық білім беретін мекемелердің сынып жетекшілері (кураторлары) шақырылады.

Вебинарлар тақырыптары білім беру ұйымдары қызметінің барлық бағыттарын қамтиды, мысалы:

  • 2020-2021 оқу жылы «Өзін-өзі тану» адами-рухани білім беру бағдарламасын оқу-тәрбие үдерісіне кіріктіру бойынша, пилоттық білім беретін мекемелерінің қызметі мен әдістемелік жұмысын ұйымдастыру;
  • «Өзін-өзі тану» бағдарламасын әлеуметтік педагогтардың, педагог-психологтардың, педагог-ұйымдастырушылардың қызметіне ықпалдастыру.

Өткізілген вебинарлардың материалдарымен «Өзін-өзі тану» ғылыми-білім беру порталының (http://ozin-ozi-tanu.kz/) «Педагогикалық шеберхана» айдарындағы «Педагогика» тарауында (http://midedu.ozin-ozi-tanu.kz/) таныса аласыздар.